الأسهم السورية ( المضارب السوري) - سعر صرف الليرة مقابل الدولار4-6-2012 في السوق السوداء

الأسهم السورية ( المضارب السوري) (https://syria-stocks.com/forum/index.php)

رد: سعر صرف الليرة مقابل الدولار4-6-2012 في السوق السوداء

صلى الله على سيدنا محمد معلم البشرية الخير

ماعرفت البشرية مثل حسن خلقه

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة غسان (المشاركة 207781)

ليش صعبة ربحان ستين قرش

على كل لازم البقية تاخذ نصيحة منك باعتبار

عم تعرف الوقت المناسب للبيع والشراء

البيع بالقمة والشراء بالقاع

اخي الكريم
انا بكون خسران مو ربحان
كان معي سوري قلبتون اليوم دولار ع 69،5
اذا برجع بشتري سوري ع 68،90 بكون خسران

رد: سعر صرف الليرة مقابل الدولار4-6-2012 في السوق السوداء

هيك زعلتونا شيرين
شيرين زرعيها بذقني هالمرة
هلأ منلاقيلهن ارهابي يفجر هالمنتدى لعيونكBig GrinBig GrinBig Grin

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة د.أبو محمد (المشاركة 207628)

وزير الاقتصاد السوري: لسنا مسؤولين عن أسعار المواد "المحررة"!

(دي برس)
نقلت صحيفة محلية سورية عن وزير الاقتصاد والتجارة قوله حول استهجان المواطنين لارتفاع الأسعار في أسواق البلاد، وتضارب هذه الأسعار بين سوق وآخر حسب المنطقة التي يوجد فيها (كالفروج مثلاً حيث يباع البروستد منه بسعر 400 ليرة سورية في المزة في حين يرتفع الرقم إلى 550 ليرة سورية في كفر سوسة): إن هذا الاستهجان إن حصل فإنما يعود إلى عدم المعرفة بمسؤوليات الوزارة لأن هذه الأمور ليست من مسؤولية وزارة الاقتصاد والتجارة، وذلك بالنظر إلى أنها مواد حررت أسعارها خلال الفترة السابقة ومتروك الأمر فيها للمنافسة ضمن السوق، وتأسيساً على التكلفة من المصنع أو المربي إلى البائع وسواه من حلقات الوساطة التجارية.

لكن مين مسؤؤل!!!!!!!!!!!!!!!!!!!!!!!!!!!!!!!

وأضاف الوزير حسبما نقلت صحيفة الوطن، أنه يجري حالياً تحميل الوزارة في بعض الأحيان ما لا صلة لها به، ويتم ذلك من الصحفيين بشكل خاص.

وزير الاقتصاد أشار في حديثه حسبما نقلت الصحيفة إلى أن تحديد السعر ضمن الأسواق يكون بموجب المنافسة كنتيجة طبيعية لتحرير الاقتصاد، مبيناً أن السنوات الثماني الماضية كانت سنوات تحرير الاقتصاد، وكان الكل يصفق لسياسة تحرير الأسعار يومذاك وتحرير الاستيراد وما شابه، وبالتالي فإننا اليوم نشاهد ونعيش نتائج ما تم القيام به خلال الفترة الماضية، وعليه يجب ألا يحمل أي أحد وزارة الاقتصاد والتجارة ما لا صلة لها به أو ما ليس لها عليه صلاحية أو حتى ما لم تقم به، مؤكداً أن سلطة وزارة الاقتصاد الرقابية تشمل سلعاً لا تتجاوز نسبتها 15% من السلة الاستهلاكية للمواطن السوري، وهي سلع مقيدة الأسعار ومراقبة بشكل دائم من وزارة الاقتصاد، وأي مراقبة لسلع خارج هذه النسبة إنما تقوم به الوزارة تطوعاً من جانبها، بهدف حماية المستهلك وليس من باب التقييد والتحرير.

وعن الدور الجديد الذي تقوم به مؤسسات وزارة الاقتصاد والتجارة (المؤسسة العامة للخزن والتسويق والمؤسسة العامة الاستهلاكية) في توزيع الغاز المنزلي للمواطنين، قال د. محمد الشعار: إن ما قامت به هذه المؤسسات هو تدخل إيجابي بشكل حقيقي وليست مسؤولية وزارة الاقتصاد، بالنظر إلى أن توزيع الغاز والمازوت وكل المحروقات والمشتقات النفطية إنما هو مسؤولية وزارة النفط والثروة المعدنية، ولكن وزارة الاقتصاد ومن مدخل التدخل الايجابي وحماية المستهلك وتقديم الخدمات للمستهلك، تدخلت من خلال مؤسساتها قدر المستطاع في توزيع الغاز، للتخفيف من أزمة التوزيع، وفي حال تقصير هذه المؤسسات في المهمة الجديدة يجب ألا تلام على التقصير لأنه تطوعي لخدمة المواطن، وتوفير قدر الإمكان لسلعة هو بحاجة إليها.

شو هالوزارة هاي ؟:eek:
وشو هاد التحرير يعني كفرسوسة محتلة والمزة محررة ؟ 150 ليرة فرق سعر الفروج يعني أكتر من 37%
طيب خليك بحالك واتقن بعملك وبلاها هالرزقة من الغاز ، لأ وبدك مانعتب وبلا منية إذا خبصوا ؟
لتكون الوزارة عم تشتغل بالسخرة ! العمى بعيونون إذا هلأ ما دخلهم ونحنا بأزمة تلتزم تطبيق طوارئ لانقاذ لقمة المواطن ايمتا بيتدخل ؟ شو شمتان يعني انو انتو اللي بدكم تحرير الأسعار ! هادا مو كأنو الصيد بالماء العكر أو( المأنشح ).
تخربط المتل اللي استحوا ماتوا لأنو مات ناس من اللي ما بيستحوا .

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة العملة حديد (المشاركة 207785)

اخي الكريم
انا بكون خسران مو ربحان
كان معي سوري قلبتون اليوم دولار ع 69،5
اذا برجع بشتري سوري ع 68،90 بكون خسران

بسيطة فهمت كلامك بالعكس

للاسف بالنسبة لي ماعندي علم او توقع بما سيحصل للسعر غدا وبالتالي لااستطيع ان اجيبك حول طلب النصيحة

رد: سعر صرف الليرة مقابل الدولار4-6-2012 في السوق السوداء

مساء الخير طبعا بتعرفو اني لاادخل على هذه الصفحة باستمرار ولكن كل فترة واخرى
فعلا مثل ماقال بعضكم كلنا دراويش مهما اختلف المبلغ لدينا فالمضاربة الان بالدولارات ليس بالوقت الجيد فهي نصيحة
ان شاء الله تقبل الصدى لديكم وشكر لكل من يضع السعر

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة د.أبو محمد (المشاركة 207630)

طائرات روسية لدعم أسطول السورية للطيران

أنهت اللجنة الفنية في مؤسسة الطيران العربية السورية الأعمال التي تقوم بها فيما يتعلق بشراء ثلاث طائرات من طراز أنطونوف 148 سعة 75 راكباً.

ونقلت صحيفة "الوطن" عن مصدر مطلع تأكيده بأنه يجري حالياً تشكيل لجنة من أجل التحضيرات للتفاوض على شراء هذه الطائرات في الوقت القريب.

كما أن المؤسسة لا تزال تعمل لاستكمال الإجراءات من أجل شراء ثلاث طائرات روسية الصنع طراز tu204sm وأن اللجان الفنية في المؤسسة قامت بدراسة المواصفات الفنية لتلك الطائرات وأن هذا الطراز من الطائرات يتسع لعدد ركاب ما يقارب 200 راكب ومن المتوقع تشغيلها على المحطات الخارجية البعيدة.

اللجان الفنية ما فهمت شو بيدرسوا ، بيراجعوا تصميم الطائرة ؟ أو بيطلعوا على المطار وبيشدوا الجناح وبيهزوه وبيشوفوا إذا بيستحمل ؟
يعني عبارات كبيرة وصف حكي .
الحمد لله ما عاد في داعي لحظر الطيران الناس ما رح تركب هيك طيارات مشهورة ، وحتى لو صار حظر طيران وخالفوا ، مافي داعي لولدنة الحرام هيه لحالها بتوقع :)

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة العملة حديد (المشاركة 207775)

ع عيني والله كل اعضاا المنتدا
الله يوفق الكل
وبشكركن كلكن بدون استثناا
لان الخلاف لا يفسد الود
بس بدي اعرف شغلة محيرتني
هل بتنصحوني بشتري السوري او تريث معروض عليي ب٦٨،٩ بس ملاكيها صعب اشتريها لاني اليوم بعت السوري ع ٦٩،٥٠

أخي شغلة ما فهمتها مادام بدك تبيع اليوم ليش اشتريت ومبين مسار الليرة من البارحة لليوم على تحسن الا اذا عندك معلومة او على أمل ارتفاع
وبما انو اشتريت دولار الله يباركلك فيون كمان ليش بدك تصرفهم فورا الا اذا عندك معلومات او توقع لمزيد من الهبوط فما توقف صرف فورا
أخي المضاربة بالدولار صعبة مقابل الليرة لانو لا تحليل فني ظابط ولا اي توقع بيزبط كلو عالتيسير
متل اللي طالع بالباص وما بيعرف وين خط سيره
اذا ما مضطر تبيع ومانك متأكد من مزيد من هبوط الدولار مقابل الليرة استنى لبكرة لنشوف وين بدو يركز ... على كل حال فكر منيح وخود قرارك بتأني .. والله يرزقك ويباركلك فيون

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة a_khateeb82 (المشاركة 207797)

شكرا كتير
الله يوفقك خينا خطيب ويربحك ويربحنا

رد: سعر صرف الليرة مقابل الدولار4-6-2012 في السوق السوداء

اقتباس:

المشاركة الأصلية كتبت بواسطة yara991979 (المشاركة 207696)

ac1القنوات الفضائية في سوريا ستنتقل لقمر أتلانتيك وبذات مدار النايلسات;):lo0ol::patch_rir:
طبعاً هذا في حال لو تمّ إيقاف البث بعد قرار الملاعين العربان - بيعملوها هالغربان؟؟؟;)

اللي افتكرناه موسى طلع فرعون !