|
رد: يوميات لقمان في حمص
يحرق حريشاتك يا أبو حكيم بتخلينا نضحك وانت عم تحكيلنا شي بقطع القلب .... ولا تستغرب اذا لقيت الاموي فاضي ... متل ما غير اماكن فاضية ومعك حق تستغرب من كل شي مستغرب منو وحرام عليك مشان ام حكيم خف عليها شوي .... وبوس ايدها ابو حكيم شبنا :) |
رد: يوميات لقمان في حمص
لن أستطيع الا الكتابة بالأسود باستثناء اسمك يا جارنا عبد السلام جنيدي /أبو أحمد ثلاثة أيام بدون كهرباء الى أن دق علي الباب جارنا أبو أحمد عبد السلام جنيدي و يقول لي جار خود شريط الكهربا هاد من عندي شايف ما عندك كهربا ...التلوا اي و الله بس جار شلون في عندك كهربا ما البناية كلياتا مقطوعة آللي و الل حطينا شريط على العمود .....التلوا بيصير هيك آللي بيصير لكان ما بيصير... بيصير اانو الك تلت تيام بلا كهربا و الطوارئ آل ما بتسترجي تجي تتصلح الكهربا ..... المهم كتير حبيت لهفتوا لأخي عبد السلام جنيدي أبو أحمد على جارو ...انو وصللي الكهربا على بيتي ... المهم بهي الأحداث صار أهل البناية متل أهالي حمص أكتر تكاتفا مع بعضهم و محبة و باعتبار الأجواء الأمنية بعد الساعة الثانية ظهرا غير مضمونة ...فأصبحت الزيارات ضمن البناية فقط .. كل يوم عند شخص ...آخر أعدة كانت مع بعضنا النالو فيا لعبد السلام خيو لي عمتتأخر للأربعة من بعد العصر و الله هاد الوقت متأخر و الدنيا انت شايف شلون .....وكل مشوارك من الغوطة لعند الطريق بجورة الشياح كوم و انك تقطع من طرف الطريق يلي بجورة الشياح الى طرف الطريق يلي على طريق حماة و يلي يعتبر حدود الخالدية كوم تاني هاد عميسموا طريق الموت و مثلث الرعب يا اخي أبو أحمد ما شفت بعينك شو عميصير رد علينا و هو عميبتسم و أخد شفة غميقة من الدخان و آل يا جماعة لقمة مغمسة بالدم ... بيتي بالبناية بالآجار و الصالون يلي عند مديرية الصحة بالغوطة كمان بالأجار وراي كومة لحم و أنا شخص معاق متل ما شايفين باخد من رجلي و معي هوية معاق من الدولة كمان ......... و متل ما شايفين كلياتني على بعضي ما بيطلع وزني خمسين كيلوا و بحط نضارات كمان ......بس حليوة أشئراني يعني امنا تبسمنا و النالوا الله يخليك حاول الساعة تلاتة بالمتير تكون بالبيت ... فآل ان شاء الله ما راح اتاخر من بعد اليوم ...... ........................يتبع خوف الكهربا و النت .................... |
رد: يوميات لقمان في حمص
الله يصبركم اخي ابو حكيم الدين
|
رد: يوميات لقمان في حمص
اخ ابو حكيم الدين والله الواحد مابيعرف شو بيحكي
انا قريت كتير عن البطولات في كتب التاريخ بس متل بطولة شعب حمص مافي بعتقد التاريخ حيخلد حمص وشعب حمص مبارح كنت قارن حالي فيكون خجلت من حالي بجد بعد اللي شفتو من بطولة اهل حمص مابقدر قول انا سوري لانو محدا غيركون يستحق هالجنسية |
رد: يوميات لقمان في حمص
سأعود الى تتمة ملحمتك يوم الأحد 15 كانون الثاني 2012 بعد صلاة المغرب مساء الساعة 5.30 لاحقا
يا جاري عبد السلام الجنيدي /أبو أحمد رحمك الله ... سامحني فالكهرباء و النت لا يساعدونني الآن و الفاتحة على روحك الطاهرة باذن الله ..... |
رد: يوميات لقمان في حمص
الأربعاء 18 كانون الثاني 2012
سيارة اسعاف عليها اطلاق نار كثيف و بجانبها جثة ملقاة على وجهها على الأرض ......... جئت من عملي الساعة الثانية ظهرا و ما زالت الجثة مرمية على الأرض مع العلم أن المشفى الوطني لا يبعد عنها أكثر من خمسين مترا ..... طبعا مشهد مرعب لكننا في حمص أصبح من الألوف مشاهدته .......... في اليوم الثاني أنزل صباحا الى عملي واذا بجثة الشخص ما زالت ملقاة على الأرض و مياة الأمطار تسقط فوقها .. تألمت جدا و قلت في نفسي كائنا ما كان ... ألا يجب أن تحترم انسانييته و يدفن .... سألت بعض الأشخاص عن سبب اطلاق النار عليه و هو في سيارة الاسعاف و من الذي اطلق النار عليه ... قالوا و على ذمتهم أنهم غير متأكدين لكن ما يعرفونه أنها سيارة اسعاف تم اطلاق النار عليها في أول طريق اليماس جانب فروج الفتح و كان فيها شخصين السائق و هو الذي قتل و شخص آخر تم خطفه من قبل من أطلق النار على السيارة ........ بعد يومين تجرأت احدى سيارات الاسعاف ..على ازالة الجثة من الطرق ...بعد أن صدمت الناس و النساء و الأطفال على وجه الخصوص رؤيتها |
رد: يوميات لقمان في حمص
السبت 21 كانو الأول 2012
سيارة تدخل مسرعة الى المنطقة الصناعية في حمص و تقوم باطلاق النار على صاحب محل تصليح سيارات حاطط صورة السيد حسن نصر الله بالمحل هو و أحد أصحاب سيارات التاكسي التي كانت للتصليح و ترديهم............... |
رد: يوميات لقمان في حمص
أخي لقمان
أليس من يقوم بالقتل هي العصابات المسلحة؟ |
رد: يوميات لقمان في حمص
أخي لقمان
ليس من الضروري الإجابة على سؤالي إذا كان ذلك يعرضك لأي سوء الله يحمي أهالي حمص |
رد: يوميات لقمان في حمص
لا حول ولا قوة الا بالله ...... اللهم نورنا بعقولنا الله يرحم جارك ابو حكيم |
| الساعة الآن 01:58 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks