الأسهم السورية ( المضارب السوري) - سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

صفحة 13 من 18

الأسهم السورية ( المضارب السوري) (https://syria-stocks.com/forum/index.php)

- أسعار صرف الدولار مقابل الليرة السورية وسعر الذهب بالليرة (https://syria-stocks.com/forum/forumdisplay.php?f=56)

- - سعر صرف الدولار والذهب مقابل الليرة السورية يومي الخميس & الجمعة 16&17 -01- 2014 (https://syria-stocks.com/forum/showthread.php?t=16442)

أبو العلاء المعري

17-01-2014 01:00 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اسنكمالاً لمشاركتي السابقة، ممكن كل المبلغ الذي تستطيع شراءه من مراكز الصرافة المرخصة الا يتجاوز ال1200$ سنوياً اذا باعوك 200 $ فقط كل مرة شهرياً.

غسان	17-01-2014 01:23 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

تعوا لاحكليلكم هالحكايه قبل النوم اسمو مافي غيرنا سهران قال كان بزمانو واحد اسمو زهدي طبشوره عم يقول لحالو لك كيف العالم عم يصير معا مصاري !! لك والله شغله صعبه كتير ومالا دوا
فككر انو يقدم على قرض ويعمل شي مشروع بعد دوامو بالوظيفه المهم بعد ماطلعت روحو طلع القرض 200 الف على زمن دولار خمسين ليره تكركب كتير وماعرف يشتغل فيون شي وكل واحد من رفقاتو ينصحو شكل لحتى فتل راسو وداخ بارضو وكربج تمام.
بعدين نصحوا اريح شي الدهب وراح اشترى فيون ليرات دهب انكليزيه مرسوم عليهم سوق اكسفورد وقلعه لندن وادنبره ......وهوه اشتراهم من هون وصار الدهب يطلع من هون
...... و نقشت معو ابن المحظوظه لك ليرات دهب هدول مو طناجر نحاس
ويلي اشتراهم ب 200 الف صارو ب 500 صاحبنا ماباع قال ليرتي عشره ووقت يصيرو 2 مليون رح بيعون ضغري (هيك بالضاد) ،،،،،وصلوا للمليون ونص وماباع وبلش يرجع شوي شوي وهوه يقول ما بعت بمليون ونص معقول بيعهم ب مليون و400 ...... مستحيل والف الف مستحيل على قوله النابلسي ان ابيعهم ........ مليون و300 هئ. مليون و200 هئ
لك بيع يازلمه شو صرلك بلا جنان. هئ. ،،،،،،، مليون وقرشك خمسه ياجميل رد مابرد ياهنا ردي مابدي ....... يبعتلك الهنا يا زهدي طبشوره لك بيع بيع رح انتف ريشي بيع

وهوه عبس ....... مارح نبيييييع ........!! ايه ....... شربوا مطر

رجعوا الدهبات لل 200 الف وضاع الحلم ياولدي ولو اني كنت اعرف خاتمتي ماكنت بدأت

اخد ال200 ورجعون للبنك مشان مايصرفون ومشان يخفف فوائد على حالو بعد مادفع 120 الف فوائد القرض محسومين من راتبو بالتقسيط
انكسر خاطرو وانجلط وسافر عن طريق المغرب ترانزيت السويد دبي صنعاء ومنها بمركب الى مقديشو
اخ يازهدي يا طبشوره لك خليك عند خط الفقر ولاتحلم تصير غني مو احسن ماتصير بالصومال

عابر مجيب

17-01-2014 01:31 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اقتباس:

المشاركة الأصلية كتبت بواسطة غسان (المشاركة 324697)

مبدع

فايز ع

17-01-2014 01:54 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اقتباس:

المشاركة الأصلية كتبت بواسطة عابر مجيب (المشاركة 324687)

الدولة وفرت مراكز مرخصة وقانونية ، يمكنك بيع الدولار بسهولة وبالسعر الصحيح الرسمي اليوم مثلا 142.84 ليرة لكل دولار . وعند الرغبة بالشراء تتجه إلى نفس المراكز المرخصة وتشتري بسعر 143.70، بس بدك تاخد بعين الاعتبار ان دخول الحمام مو مطل طلوعه ، يعني ما ببيعوك أكتر من 200 ، 300 أو 500 دولار في أفضل الأحوال ، وحرصا على توزيع عادل لأبناء المحافظة يجب عليك احضار سند اقامة من المختار ، حتى لو كان عندك كل ما يثبت انك من العمارة الجوانية أو الميدان أو القيمرية ، كل شي لحالو الهوية بس لاثبات الشخصية ، سند الاقامة لبيان السكن ، فاتورة الموبايل الحديثة لتحديد احداثياتك بشكل واضح ليطالك اي تعليمات ، او يمكن يتم استدعاءك لو تبين ان هنالك خطأ ما أو نقص ما في معاملة التصريف البيروقراطية ، طبعا ممكن يعطوك دولار مزور ، وبعدين يكتشفوا الخطأ ، فبيطلبوك ليعوضوك ويبدلولك ياهون ويعتذروا وهيك شي أكيد.
ممكن تجمع المبلغ المطلوب من عدة مكاتب مرخصة ، بس لا تتجاوز 1000 بالشهر ، وعشرة آلاف بالسنة . هون بيبرز كمان ضرورة الموبايل منشان يبعتولك رسالة :
أيها هالمواطن الكريم ، لقد تجاوز شراءكم المبلغ المسموح به ، يرجى مراجعة الجهات المعنية ، وفهمكم كفاية .
أكيد انت بتفهم وما بتنام ليلتها .
بقي منشان ما تغلط بين المرخص والمسموح :
المكاتب المرخصة ، حاطة السعر بشريط ضوئي ، ومن منظرها مبينة ، فيها شبابيك ( كوى ) وحاطين لائحة خربانة لكافة أسعار العملات
كل البقية ممنوعين :
الصياغ ، الحلاقين ، بياعين النوفوتيه ، بياع جوالات ، سماسرة العقارات والخدمات السياحية ، بسطات الدخان وبياعين اليانصيب ، واحد يسحبك تحت درج بمدخل بناية ........ الخ .

الف شكر على ردك اخي عابر
مع انوا بصير معوا الواحد احباط من البيروقراطيه بهاالبلد وفوق منها خساره فرق السعر
بس بيضل افضل ما ينسحب الواحد تحت الدرج بمدخل بناية ( بلا معنى )

hash	17-01-2014 01:55 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

الحكومة تسمعنا بكل مناسبة انها تبذل ما بوسعها لتحسين سعر صرف الليرة والعودة الى دولار 46 اصدار الليرة الذهبية في الوقت الحالي الايعني تشجيع المواطنين على تبديل الليرة السورية بالليرة الذهبية وبالتالي انخفاض قيمة الليرة السورية

غسان	17-01-2014 02:29 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اقتباس:

المشاركة الأصلية كتبت بواسطة hash (المشاركة 324700)

اذا انا ووياك منأثر عالسوق هيه بتأثر
لن يكون هناك تأثير بعدين كم واحد قدران يبدل ليرتو بدهب
العالم مستوره بقدره الله وعايشه بالبركه

hash	17-01-2014 02:39 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اقتباس:

المشاركة الأصلية كتبت بواسطة غسان (المشاركة 324702)

مين قلك انا مفكر اشتري 10000ليرة استاذ غسان حكيك صح بس اي قرار اوخطة بك تقدم عليهالازم يكون لهاغاية ومنفعة فينك تقلي شو الغايية او الفائدة من اصدار الليرة الذهبية

غسان	17-01-2014 02:59 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اقتباس:

المشاركة الأصلية كتبت بواسطة hash (المشاركة 324703)

ذكر رئيس الجمعيه من خلال كلامه تشجيع الناس على شراء الذهب والابتعاد عن الدولار حمايه لمدخراتهم وربما حمايه الناس من غش البعض في الليرات غير السوريه
ويمكن الامر هو اجتهاد من الجمعيه لتقديم خدمه للناس فيه الصالح العام احتمالات كتير ويمكن كلها غلط وانا عم خربط بعدين بالعامي بيجوز الشغله بروظه المهم هالخطوه مارح يكون الها تأثير لانو سوق الدهب المحلي ليس له تأثير على سعر صرف الليره دولار قديما وحاليا
اخي العزيز لك مكانه خاصه في قلبي لمشاركاتك الجميله هنا وفي الصالون شكرا لك

حكيم الزمان

17-01-2014 03:53 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

http://sphotos-b.ak.fbcdn.net/hphoto...92693289_n.jpg

عبدالقادر

17-01-2014 04:34 AM

رد: سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

اقتباس:

المشاركة الأصلية كتبت بواسطة غسان (المشاركة 324702)

اذا انا ووياك منأثر عالسوق هيه بتأثر
لن يكون هناك تأثير بعدين كم واحد قدران يبدل ليرتو بدهب
العالم مستوره بقدره الله وعايشه بالبركه

صدقت والله صدقت عالم عايشة عالبركة وكل اليرات اذا بتنباع مارح تأثر .

الساعة الآن 10:49 PM.

صفحة 13 من 18

« الأولى

الأخيرة »

عرض 40 مشاركات من هذا الموضوع لكل صفحة

This Forum used Arshfny Mod by islam servant