|
رد: يوميات لقمان في حمص
لن تنتهي يوميات لقمان في حمص
ستعود حمص وستعود اليها وبشارطك من ١٠ مليون دولار على هالحكي طبعا اذا بدي ادفع انا بتصير المراهنه حرام واذا انت بدك تدفع بتصير ذمه برقبتك. لتدفعا شو بدك احسن من هيك موافق اكيد ......على بركه الله |
رد: يوميات لقمان في حمص
الله يسهل لكل من سافر وبالتوفيق وان شالله اليوم الذي ستعودون فيه قريب
|
رد: يوميات لقمان في حمص
اقتباس:
ستعود حمص...ستعود الى الوراء .......... و بتعرف العمر ما بيرجع لورا ..... يعني بالنسبة لألي خلاص حمص لن تعود..... و بلا ما تشارط شرط خسران للأسف .... -------------------------- شكرا لكم و على حسن متابعتكم الى اللقاء |
رد: يوميات لقمان في حمص
الاخ لقمان
حفظك الله في سفرك وجعل لك فيه بابا للرزق والاستقرار اكثر من ستين عاما ونحن نسمع سنرجع يوما ؟؟؟؟ وكل يوم نزداد بعدا وفقك الله |
رد: يوميات لقمان في حمص
السلام عليكم
من حظي العاطل اني لم اتعرف عليك قبل هذا الوقت قرات (يوميات لقمان في حمص) لا ما قراتا قصدي عشتها صديقي بتمنالك سفر موفق وترجع بالسلامة مع انو صار صعب اللي يروح انو يرجع . . . . انا متلك بعرف بيوم من الايام اني رح روح بس لوين ما بعرف بيجوز سافر عشي بلد وبيجوز ما لحق سافر .... بس مشكلتي انا انو ما بقدر عيش برات حمص اذا بقلك بموت بيجوز ما تصدق بتمنى تقبلني اخ الك اخ صغير بكل شي الله معك اب حكيييم الله يوفقك يارب |
رد: يوميات لقمان في حمص
كانو في سوريا يقولون مثلا بأن الفرنجي ...برنجي ..... و الفرنجي مقصود به الأجنبي ........ فالغسالة أجنبية ............. تعني نظافة و لطافة....... و التلفزيون الأجنبي ......... رفاهية....مطلقة .... والفيديو الأجنبي .......... اكابري....ووازن .... والفيلم الأجنبي ........... رائع ..و ابن خلئ و ناس .... والدخان الأجنبي ...... ممتع.....مشبع ..... و سجادة الصلاة الأجنبية ... تجعلك تشعر بالورع...بدون هلع ... و يلي مرتو أجنبية .. و حتى لو كانت جيبسي اسبانية ...متحضر...منفتح ---------------------------- حفرت في ذاكرتنا منذ الطفولة ...تميز الأجنبي.................. حتى تمنيت أن أكون أجنبيا ...... و ها أنذا........... الآن أصبحت في كردستان / أربيل و نلت الاقامة و مكتوب عليها؟؟؟؟؟؟ مقيم أجنبي ......!!!!!!!!!!!!!!! الحمد لله رب العالمين أخيرا يا ربي ....صرت أجنبي يعني صرت برنجي .............. هنيئا لك يا أبو حكيم جمعت المجد من أطرافه صرت سوري كوردي حومصي و أجنبي كمان في أربيل بإقليم كردستان .. و فجأة صاح أحد المغرضين ........ اييييييييه.......!!!!!!!!!!! الدنيا حظوظ الله يتم عليك يا أبو حكيم الأجنبي .....!!!!! |
رد: يوميات لقمان في حمص
مراسم دفن موتى في حمص ..... في أيامنا الأخيرة في مدينة حمص ......... وئت الجامع ينادي على اسم متوفي .... ما عاد نهتم كتير للعدد ..لأنو كل يوم كذا مرة يصير في نعوة لمتوفيين شباب بس الغريب هالمرة نادى على اسم الحاج فلان الفلان ...أبو فلان ........... و الفاتحة على روحوا ... و أنا من فرحتي نطيت ...مع اني الشخص المتوفي هو أبو أحد معارفي و الت لحالي الله أكبر.....بس بعدين وطيت صوتي .... ما بعرف ليش آخدة هي الكلمة على لسانا .... لك حتى صارت تستخدم بالتلطيش ..... المهم : الت الله أكبر و أخيرا ....صار في نعوة لشخص كبير بالعمر ............. صارت تنزل دموعي من الفرح ......و أم حكيم صارت تؤول بسرها : عليه العوض و منو العوض ...أبو حكيم أكيد فصل و صار خارج التغطية ...... بس و الله طول لفصل ......ما شاء الله عنو ....اتحمل تلت سنين إلتلا يا ام حكيم و كأني عرفان شو عمتحكي : وئت كنا صغار كل كذا شهر لشهر لنسمع انو في ميت و هاد الميت بالعادة بيكون كبير بالعمر و غالبا حسب الموضة بحمص بيكون حجي كمانة .... و كنا نخبر بعضنا : سمعتو في بالشارع الفلاني ميت و نروح لهنيك نشوف التابوت بس و نرجع على البيت و كل ليلتنا نئضيها كوابيس ... و ننظر لأولاد الميت كأنون أبطال ..على شو ما بعرف .... أما هللئ با أم حكيم الموت حولنا و حوالينا مشتهي من سنتين اسمع نعوة لشخص كبير بالعمر كل يلي عميموتوا شباب حتى صرت وئت شوف شي ختيار بالشارع شوية تانية راح أؤولو ...شو عمتساوي هون .... اتصلت مع رفيئي مشان عزيه و شوف ترتيب و مراسم الدفن و العزاء بفقيدون....... وكنت شوية تانية راح أؤلون مبروك محل ما عزيون وئت عرفت كمانة انو ابوهون مات موتة طبيعية اللهم صلي على سيدنا محمد توفي كبير بالعمر و بشكل طبيعي الله يتم عليه و عليون ...!!!! استغربت وئت لائيت نبرة من الفرح بصوت ولادو استغربت !!!!!! و التلون ايمتا الدفن ...؟؟؟؟ صاروا يضحكوا !!!!!!!! و آلولي دفن شو ....!!!!!! سألتون طيب ما بدكون تغسلوه .. صاروا يضحكوا ...!!!!!!!! آلولي تغسيل شو ...؟؟؟؟؟؟ المهم فوتوني بالحيط الت لحالي عجب المي مئطوعة و لا شو القصة طيب سألتون التعزية ايمتا ووين ........ آلولي ...نحن بعصر السرعة شررف لعندنا على البيت هللأ و على الحارك ... على الحارك ...!!!!! (أوووف لي كل هالسرعة ...) التلون ممكن صلي العصر و اجي آلولي يا الله انت المرحوم كان يحبك بنستناك شوية بس ما تتأخر ..... صليت تلت مدري اربع مدري خمس ركع عصر و حملت حالي ركيض مشان لححئ التعزية ... و على الطريئ عمؤول الله يرحمك يا أبو غازي .... ........يتبع ........ |
رد: يوميات لقمان في حمص
الاخ ابو حكيم الدين كان بودي اتشرف بمعرفتك قبل ما تسافر.. و نقعد هيك نحكي عالحماصنة و تاريخ حمص و حماه و السلمية يلي واقعة على رأس المثلث بينهما ... و ديك الجن الحمصي السلموني ..... و المتنبي كمان يلي ولد بضيعة حد سلمية و قضى عمره بالرحيل و التنقل بارض الله الواسعة مرورا بحمص .... من 3 سنين انقطع التعامل التجاري مع حمص و ما بقي غير التلفون بفترات متباعدة كتير نطمئن على معارفنا ومن التجار يلي دامت العلاقة معهم من الخمسينات لهلق .. أنا ما تفاجت أبدا بسفرك لكن تفاجئت بإختيارك للمكان .. كنت متوقع تكتبلنا من مكان آخر مو من أربيل أنا واثق إنك درست الموضوع بشكل سليم و اخترت الانسب لك و لأسرتك الكريمة .. ان شاء الله بترجع لبيتك بحمص قريبا و بتربح الـ 10 مليون دولار و بتعزمنا شي نهار اربعاء على محشي كماية و محشي جزر و نحنا طالعين رح نقلك بيت عامر ان شاء الله |
رد: يوميات لقمان في حمص
اقتباس:
اقتباس:
اقتباس:
طلعت من حمص غصب عني يت ابو طاهر ...... |
رد: يوميات لقمان في حمص
اقتباس:
بس هي الايام هي يلي عمتحركنا ..... و انا تركت حالي متل الريشة في مهب الريح وين بدها تستقر .... اختياري للسفر كان و ما زال الى دول الغرب و بكل صراحة لكن لم استطع ذلك ...... فكثرت الوعود بمساعدتي ...لكنها ذهبت ادراج الرياح تلك الرياح التي اسلمت لها نفسي........ أربيل لم تكن اختياري انما هي المكان الوحيد الذي اتيح لي هروبا من جحيم سوريا و حمص على عائلتي و ما زلت و سأظل احاول جاهدا الهجرة الى الغرب..... لأحاول ان أربي أولادي و أنشئهم ..... في جو ايماني !!!!! بعيد عن الشرق و عقده و أحقاده وتوحشه |
رد: يوميات لقمان في حمص
رح يكون الك وحشة .. بكرة كل اولاد سوريا رح يرجعولها
|
| الساعة الآن 10:49 AM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks