الأسهم السورية ( المضارب السوري) - سعر صرف الدولار مقابل الليرة السورية بالسوق السوداء 18-3-2013

الأسهم السورية ( المضارب السوري) (https://syria-stocks.com/forum/index.php)

بهيك ظروف أظن أن الحل الأمثل لمن يحمل السوري أن يشتري مواد تموينية أغذية أدوية دخان يلي بدك ياه استحياطا"

اقتباس:

المشاركة الأصلية كتبت بواسطة ابراهيم طاهر (المشاركة 257626)

السبب :
اولا": الذين هربوا اموالهم للخارج مثل فراس افندي.
ثانيا" : المضاربين بالدولار القانطين المنافقين .

وانت الصادق السبب هو نظام غبي دمر البلد
يس انت ما بدك تشوف الحقيقة
يلي معه مصاري حقه الطبيعي يحول مصاريي لبرا ليحافظ على رأس ماله ولما يدفع زكاة وصدقة لازم ينقي تمام مين يلي بيستاهل الزكاة والصدقة
وأكيد ما لازم يكون أحد مؤسسات أو أذناب النظام

اقتباس:

المشاركة الأصلية كتبت بواسطة انس بكور (المشاركة 257613)

أخي حوالة الويسترن يونيون عما توصل من اي دولة لسوريا ومن السعودية على كل الف ريال بياخدوا بس 35 ريال يعني شي بسيط كتير ....بس في ملاحظة رح قولها للجميع لانو البعض يمكن ما بيعرف ...من السعودية ومن جميع الدول الحوالة عما ترسل حصرا بالسوري حتى بالسعودي وبالدولار ما بحولوها لسوريا لانو في عقوبات مفروضة عليها ....منجي على التسليم بسوريا التسليم انت مخير اما تستلم دولار او سوري اذا دولار بياخدوا منك على كل مية دولار 2 دولار يعني على الالف دولار بياخدوا 20 دولار وهي نسبة قليلة كتير وهلىء بشرح ليش قليلة ...وفي حال بدك تستلم سوري بيحسبوها مو على سعر المركزي بيحسبوها على سعر الصراف يلي وضعته له الدولة قديما كان 87 وهلىء 96 تقريبا ...طيب كيف حوالتك عما تستملها دولار وهم بالاصل عما يرسلوها سوري الك من هونيك والجواب الدولة عما تبيع لمكاتب التحويل والصرافة الدولار على سعر 95 وقديما 87 وهل الشي استنزف من احتياطيات المركزي بشكل كبير وخلاه يرفع السعر من 87 الى 95 وهل الشي بدل على تاكل احتياطيات المركزي بشكل كبير وساعد على نشر الخوف بالسوق مما ادى لكسر حاجز 110 اليوم ... هلىء اثنين مضمونين بسلموك بالدولار ولهلىء انا متعامل معهم مكتب الادهم ومكتب السلطان ...وطبعا دايما استلم الحوالة بالدولار لانو مثلا لو خصموا عليك 20 دولار على الالف بيصفى مبلغك 980 دولار ضرب 110 بساوي 107800 بينما لو بدك تاخد الالف دولار بالسوري بيطلع مبلغك 95000 الف لانو رح يحسبوا لك الدولار على 95 وهيك في فرق بكل الف دولار 12800 ليرة ...بتمنى تكون الفكرة وضحت

شكرا أخي أنس على المعلومات المفيدة. .. الله يعطيك العافية
بس يلي صار معي أنو أستلمت حوالة من شركة الهرم للصرافة من حوالي 20 يوم بحلب و مكتوب ورا المحاسب (( تسليم الحوالات حصرا بالليرة السورية )) بغض النظر عن نوع العملة المرسلة ما بعرف بجوز هي إجراءات خاصة بالهرم بجوز. . بس هادا يلي صار معي بالضبط و حبيت ادكر الموضوع لتعم الفائدة لا أكثر. . شكرا أخي أنس مرة تانية

[QUOTE=NetPro;257646]

اقتباس:

المشاركة الأصلية كتبت بواسطة sajed (المشاركة 257643)

شو هالحل الجحاشي هاد
يعني انت برأيك انت هذا الحل ؟ منع تداول الدولار !!!

لك أخي لحتى يحسسوا العالم الغشما إنهم عميعملوا شي لتحسين وضع الليرة بيعتقلوا الصرافة
علماً أن الصراف هو مجرد وسيط بين بائع وشاري وما يحدد السعر هو توازن قوى العرض والطلب

بالطبع هو ليس الحل الصحيح، لأن أغلب من لديه ولو القليل من المال حوّله الى دولار أو يورو، فهل سيتم القاء القبض على الجميع، لكن قد يكون له تأثير عن طريق التخويف واغلاق بعض محلات الصرافة

نسأل الله اللطف

السلام عليكم

دمشق

110-111.............112 ولكن غير متوفر

الذي رفع سعر الدولار اليوم هي العقوبات فأصبحت مخاطرة والمخاطرة لها ثمنها

أيضاً تصريحات اليوم أن المركزي يحتاج إلى 15,000,000$ يومياً للحفاظ على سعر الدولار كما هو عليه

طبعاً الأمور الأخرى التي تحدث عنها الأعضاء التي لها علاقة بالإقتصاد

أنا أتمنى أن تعود الليرة أقوى مما كانت عليه ولكن الأمر ليس بيدنا

أمر آخر الرجاء عدم ذكر أسماء الصرافة وأمكانهم لأن هذا سيرفع من المخاطر ويرفع سعر الدولار معه

الذهب مسعر على دولار 106.5 ولكن بيعه يتم على سعر السوق

وشكراً

اقتباس:

المشاركة الأصلية كتبت بواسطة NetPro (المشاركة 257653)

أخي
الأفضل كان هو التراجع عن قرار بيع الدولار يعني أن ترجع تشتري دولار
انت غلطت لما بعت الدولار ولما حاولت تواسي حالك رجعت غلطت بإنك اشتريت عقار
سامحني أخي بس أنا بحب كون صريح بالنصيحة
إذا لسا معك سيولة اشتري ذهب

والحمد لله على كل حال

لا يا صاحبي هيك بكون عما امشي مع القطيع وبكون دخلت بمغامرة ما محسوبة مرة تانية.. ...بس خبر عاجل يا شباب حكي الشباب صحيح ويبدو الصرافين متخوفين من القرار سالت اكبر صراف بحماة على الهاتف هلىء بكم عما تبيع الدولار قال ما عما يبيع قلت له بكم عما تشتري قال ما عما اشتري فيبدو البيع والشراء ما عاد يتم الا وجه لوجه وهل الشي رح يخلي الدولار يرتفع لانو رح يدخلوا وسيط بين الصراف والزبون والسمسرة رح تشتغل Big Grin وشكرا على النصيحة netpro والله يبارك برزق الكل والخيرة فيما اختاره الله :)

اقتباس:

المشاركة الأصلية كتبت بواسطة fadi nour (المشاركة 257657)

مزبوط اخي فادي الهرم ما بيعطي الا سوري وما متعامل مع الويسترن يونيون ومنشان هيك اي حدى اله قرايب برى يطلب يحولها بالويسترن يونيون من اي بنك او مكتب تحويل وبسوريا استلموها من الادهم او السلطان او الديار بالدولار

بدنا خبر نعرف فيه راسنا من ارجلنا

يا جماعة طولو بالكون وروقو......
خلينا نكون موضوعيين بالتساؤل عن سبب ارتفاع الدولار الحاد هاليومين، في عدة احتمالات برأيي :
1- شي هامور أو عدة هوامير عم يلمو الدولار (خوفاً أو لرفع السعر ومن ثم جني الأرباح أو ....)
2- تكاتف الصرافين لرفع السعر ودفع المركزي لبيعهم الدولار بسعر منخفض وبالتالي جني أرباح
3- حالة هيجان في السوق أصبح الطلب فيها أكبر من العرض بكثير (احتمال بعيد)
4- الوضع الأمني والسياسي قد تغير بشكل كبير ومفاجئ (احتمال بعيد)
5- المصرف المركزي خفف سياسة التدخل لرفع السعر لتأمين سيولة كافية من الليرة السورية (سياسة تعويم الليرة)
أية احتمالات أخرى برأيكون؟

اقتباس:

المشاركة الأصلية كتبت بواسطة NetPro (المشاركة 257653)

اخي اانا ما بعت دولار وبحياتي مابعت دولار والسهم طالع انا رجعي تخلفي Big Grin ما بيع الا والسهم احمر نازل وهي السياسة بتبعها بالازمات والحروب وبهيك بكون مريح راسي وبالناقص من ربح زايد كم مية الف وخسارة قاسية كم مية الف ...هيك بكون عما بيع على المضمون وبربح ولو بشي بسيط ...