|
رد: يوميات لقمان في حمص
اقتباس:
و الله يفرج عنك ما أهمك و أغمك .... عرضك على العين و الراس ...... الله يباركلك ببيتك و ان شاء الله بترجع من غربتك و بتجيب بنت الحلال يلي بتعبيلك البيت صبيان و بنات و الله يبارك بأهلك بالشام و ترجعلون بخير و سلامة...... بعرف انو عرضك حقيقي ....متل ما الاخوة بالمنتدى عرضوا سابقا ........ ما فيني أؤول غير الله يبارك فيكون ..... و للأمانة و للتاريخ في ناس أبدى مني بكتير بحمص ...في ناس انخرب بيتا بكل ما تحمل الكلمة من معنى ....... و لا سمح الله اذا اغلقت الأبواب في وجهي...سأطرق بابكم يا أهل الشام الكرام... |
رد: يوميات لقمان في حمص
الف الف الحمدلله على السلامة اخي لقمان انت والعائلة , قيل الكثير وماضل شي يقال غير الله ينهيها على خير وترجع حمص وسوريا متل ماكانت مثال للتعايش,
اخي لقمان صحيح ما يقال عن الذي يحصل ومن يقوم بذلك وهل ما يحدث له اهداف سياسية ام كما يروج اقتتال اهلي؟؟؟ |
رد: يوميات لقمان في حمص
الله يفرج الهم
ويحميك ويحمي كل اهل حمص الله يخلص هالقصة ع خير استودعك واستودع اهل حمص واهل سوريا الله الذي لا تضيع ودائعه |
رد: يوميات لقمان في حمص
الحمد لله على السلامة أخ لقمان وانشالله الله ياتي الفرج قريبا
ويعود الأمان الى البلد اللي طول عمرنا بنفخر بأمانها ونمشي الساعة 3 صباحا دون اي خوف بس هالايام !!!!!!!!! لا حول ولا قوة الا بالله طبعا اكيد بعض الشباب سمع بالانفجار باللاذقية بالصليبة يوم الاثنين وقت المغرب الحمد لله انو مكتبي فوق الانفجار وكان بين وصولي الى المكتب ووقت الانفجار شي 5 دقائق والله شي بيخوف !!! اتصلت بالمدير على الاصوات اللي عم اسمعها وقلي أحمد رجاع فورا عالبيت طبعا طلعت بالاخير دراجة مفخخة !!!!! الحمد لله على كل شي .. بعد ساعة رجعت على المكتب .. كان الزجاج الواجهات كله على الارض ... وأكيد رح يعرضوها هاليومين على قناة الدنيا والأخبارية ومن شي شهر كمان فككو عبوة كمان امام مدخل البناية اللي فيها مكتبي !!! عم فكر انو قدم استقالتي من هالشغل بسبب موقع المكتب ... يا شباب نصيحة كتروا من الاستغفار وتوزيع الصدقات واعانة الفقراء والله الواحد بيحس بنتجيها ورب العالمين ما بيضيع اجر أحد ان شاء الله ... |
رد: يوميات لقمان في حمص
اقتباس:
أخي أبو يوسف لي الأهالي بدا تتقاتل و هي عايشة مع بعضا منذ زمن ..... هناك أيد خبيثة آثمة تثير النعرات الطائفية في حمص ......و هي جهات آثمة متآمرة على البلد ...كما يقول التلفزيون السوري الرسمي اقتباس:
ما في شي بيستمر على حالوا ..... هي سنة الكون ......من يوم بداية الخليقة ... و راح تضل هيك لنهاية الدنيا ...... اقتباس:
و الحمد لله على سلامتك ..... و بالفعل ما ألنا الا العودة الى رب العالمين .. مالك الملك .....يعز من يشاء و يذل من يشاء |
رد: يوميات لقمان في حمص
أتابع من خارج المنتدى كلما سنحت لي الفرصة أمر على موضوعك و لا أدري بماذا أعلّق لكني أهتم بقراءة حروفك جيداً لما فيها من طُهر النقل وتجرد الوقائع.....فالكلام النابع من القلب يدخل القلب دون استئذان ولا ضوابط بعيداً عن أي اعتبار آخر...إن كانت دمشق أو حلب أو اللاذقية عيني اليمنى فحمص عيني اليُسرى ولا أستطيع أن أستغني عن كليهما وقس على ذلك على أرجاء بلادنا...
لا أملك سوى أن أقول للأخ لقمان ولكل أخوتي السوريين في سائر أرجاء حمص العدية ألا فرّج الله همكم وحماكم أنتم وأطفالكم وأرزاقكم وأزاح الغمة والألم عنكم وأبدلكم مكانها فرحاً وسروراً وراحة بال وأعاد الهناء والبسمة إلى شوارعكم وأحيائكم لتنهض من جديد كطائر الفينيق... اللهم آمين بجاه سيد المرسلين محمد طه خير الأنام وصحبه الكرام وآله الطيبين الطاهرين الميامين |
رد: يوميات لقمان في حمص
اقتباس:
و هذا الطهر الذي تتكلم عنه .... هو في قلبك ...................... وواضح من كلامك.......... بارك الله بك .... و فرج الله عنكم و عنا ما أهم و أغم الجميع |
رد: يوميات لقمان في حمص
الله يحميكون كلكون إخواتي ويحمي كل السوريين الشرفاء
استغفر الله العظيم لاحول ولا قوة إلا بالله اللهم أجرنا في ما أصابنا وأبدلنا خيراً منها |
رد: يوميات لقمان في حمص
مبارح كان الجيش عنا بالبناية و على السطح باعتبار سطحنا كاشف طريق حماة وساحة جامع سيدي خالد بن الوليد
دقوا عي الباب من الساعة ستة الصبح بعد ما اجاني كذا اتصال من الجيران يخبروني انو الجيش عنا فتحتلون الباب .... آللي صباح الخير ....شو كنوا ما في حدن بالبناية ... التلوا لاء فيا ,,,, رأسن سألني لي لساتك بحمص ....مانك خايف من الوضع الخطير .... التلوا اي و الله شي بيخوف ... بس ويد بدي روح .... أنا زلمة من البيت لشغلي و من الشغل للبيت .... آللي نحنا جايين لهون لنحميكون...و نأمن الطريق مشان يلي بدو ينتخب ..... شو ما بدك تروح على الانتخابات .... التلوا و الله الوضع كأنو ما خرج الواحد يطلع من بيتو آللي هللأ شي ساعة اذا كان الوضع منيح فيك تطلع من البيت .......... آللي انتو هون و الله شغلتكون غريبة بنسأل الوحد عن جيرانوا بيؤول ما منعرفوا ..... لازم كل واحد منكون يجمع جيرانو و يخبرون انو هيك الوضع بحمص ما بيصير ....لازم نكون أوعى بشوي..... التلوا ...الله يساعدكون ...مين انتو الجيش أخي و أخوك و جاري و جارك ............ أللي ان شاء الله مفكرين انو كتير نحنا مبسوطين بهالوضع ....بدنا نتحمل بعض ........ التلوا ...من جهتي أنا بتحمل ........ بعدين سألني شلون هيك بتفتحوا الباب ما بتخافوا نكون لابسين جيش و نحنا مانا جيش .... التلوا ...لاء نحنا منعجبك ...تفرجت على الشارع و شفت المصفحات ...فألت لحالي أكيد هدول جيش .... و راح أفتحلون .....نحنا وأت بنشوفكون بنتطمن .... آللي يا زلمة كل البنايات بتؤول هيك و بس نفتل ضهرنا بقوسوا علينا ........... التلوا ياأخي ....و الله أنا بزعل على أي بريئ يسقط بهالوطن ......و الله يكون بعون الجميع .... تركني و طلع على السطح هو عميؤول اليوم نحنا بضيافتكون .....بدكون تتحملونا شوي .... التلوا أهلا و سهلا ....و طلع على السطح ......... كان الوضع تعيس و انقطعت الكهرباء الساعة تلاتة العصر و لليوم بكير لأجت .... و محسوبكون مرفه حالوا بالتدفئة على الكهربا باعتبار بائي شويت مازوت للحمام .... امنا اندحشنا كل العيلة بالتخت اتقاء للبرد.... هيك لليوم ........ و اشتغل الاشتباك و القواس ...الله وكيلكون صرت متل أيمن رضا بحلقة بقعة ضوء يلي بيصير فيا هجوم على المسلحين ...... و الجيش باعتباري آخر طابق رايح جاي لعندي ..... أحلى الشي واحد منون دق علي الباب و آللي بدو يفوت على التواليت التلوا تكرم ..... شلاح من رجلك .....كأنو ما سمعني فات ببوطو على السجاد و أم حكيم راح تاكلني لي ما بعرف .....و أنا عملت حالي مالي خبر مسكت الجريدة بالمقلوب و صرت صففر بهدوء ............ حطيطلوا شحاط على باب التواليت التلوا اذا بدك لبسوا ..... آل ما في مشكلة .. و دخل على التواليت بالعتاد الكامل مع بارودتوا و بالبوط ...و رفيقوا على الباب عميستنا ...... و طلع بعد ما فك زنقتوا .....الله يفك زنقة الجميع .............. و مشي على الموكيت و أللي يعطيك العافية ... سكرت الباب هجمت علي أم حكيم ....صارخة في وجهي ................... لي ما شلحتوا البوط .... التلا يا خيتو الله يخليك ..لا تتقاوي علي .... و تعملي مراجل علي ....الله يساعدوا الرجال مزنوق .....و ما فينوا يشلح البوط .... يالله .....يا روحي ....... عملي مراجل و روحي مسحي الموكيتة ....بعدين تعي اندسي بالتخت جنب الصغار مشان تشعري بالدفا ........... |
رد: يوميات لقمان في حمص
اقتباس:
اقتباس:
اقتباس:
اقتباس:
اقتباس:
أحببت أن أتقلهم لهون ....باعتباري ... كتير بحب الترتيب ..... و اذا ما بتصدقوا سألوا أم حكيم عني ..... شكرا لكم اخوتي الكرام و بارك الله بكم و كل من يرد و يشاركني همي في هذا الوطن ............ |
| الساعة الآن 12:31 PM. |
Powered by vBulletin® Copyright ©2000 - 2025, Jelsoft Enterprises Ltd.
TranZ By Almuhajir
جميع الحقوق محفوظة syria-stocks