هههههه لا يا غالي أنا ماعم لومك

بالعكس أداء السوق مو بهالبساطة حتى أحكم عل موضوع

حكيك كتير منطقي ... والدولة لعبتها صح لما ساعدت برفعه لل 100

بينزعل على الناس يلي أكلتها واشترت عال 100 مفكرة الليرة رح تنهار بهالسهولة ...

اذا ضل بهالشكل عم يتدخل المركزي ممكن يوصل عال 60 و يثبت الا اذا طرء اي تطور عملي على الاوضاع السياسية الدوليّة

للمرة الثالثة مشكور وآسف اذا فهمتني غلط

مشكلتك

مادام صار فيها خشب مسوس عقلك براسك بتعرف خلاصك

ذكرناها 80 دعم لن تكسر الا اذا تدخل المركزي من جديد بشكل اقوى من المرة السابقة
وفعلها مبارح واليوم ودعم الليرة من جديد

بس لمعلوماتك رح يرجع من جديد يطلع بنهاية الشهر وفهمك كفاية

وارجو ان لاتلومني المرة القادمة على اخطائك انت

طلع حاجز ال 80 مو حديدي ... خشب مسوّس

يا ريتني بعت يلي معي

شو رايك رح يصير حاليا ؟

هلا يا غالي

القاعدة الاساسية
هي نسبة ارتفاع الدولار ضعفي ارتفاع العقار
بالنسبة للعقار مع الاسف الشديد العالم تعبانة ومحتاجة الى الكاش وعروض البيع
كبيرة جدا جدا بالوقت الحالي مقارنة بالطلب الذي انخض بشدة في الاشهر الماضية
يعني بنسبة 80% للبائعين و20% للمشتريين
والفكرة الان انك بفلوسك فيك تجلس على اي بازار وانت تتحكم فية ...
موضوع 100 ليرة موضوع وقت لاأكثر
كسر 80 ليرة لن يكسرها بسهولة الا اذا قام المركزي بالتدخل اما عم طريق مزاد اخر ..
او السماح للمصارف والضغط عليها بعملية البيع والشراء لللافراد

المشكلة الرئيسية بارتفاع الدولار هي موضوع الصادرات وتمويلها ؟؟

اغلب البنوك الان لاتمول التجار لعمليات الاستيراد .. وتقول للتاجر ((دبر راسك )) وجيب دولار
ونحنا منفتحلك الا عتماد ؟؟؟

فلاحط اخي اغلب التجار اصبحو يشترو الدولار من عدة مراكز في السوق السوداء ..

عموما اخي احتفظ بالكاش الذي لديك ..
لا تستعجل ...
الفرص كثيرة وكثيرة جدا ..

ولو تقدر نص عاقل ونص مجنون
وانت مقطنع اشتري عقار صغير حتى لو على الهيكل وخلي معك شوية كاش
وتقبل تحياتي

ألف شكر عالرد والشرف لي حبيبنا

ارتفاع الدولار الى ال 100 من وجهة نظري هو سلاح ذو حدين ...
وله ايجابية كبيرة وسلبية قد تكون اكبر تحديدا لوضعي انا اذا لم اشتري عقار بالوقت الحالي ...

لأن حاليا بالكاش يلي معي قادر اشتري بيت معين
بالسعر أو بالمبلغ يلي ماكنت قادر اشتري فيه قبل ....
بدون تحريك اي ساكن في هذا المبلغ او اضافة له أي قرش...

بنفس الوقت اذا ارتفع الدولار فوق ال 100 خايف هالببيت
أو مجمل أسعار البيوت نسب ارتفاع أسعارها ترتفع اكثر من النسب يلي اشرت عليها حضرتك ...
بكون انا راوحت مكاني وما استفدت شي

يعني فعليّا انا على سبيل المثال بمبلغ مليون بقدر اشتري هذا البيت يلي سعره مليونين ويلي كان قبل الازمة بمليون ونص ... صحيح ان سعره ارتفع نص مليون لكن الكاش يلي معي أرتفع مليون ...
حيث اعتقد ايضا ان اسعار العقارات لن تعود للهبوط مجددا حتى لو تحسن وضع الليرة

من ناحية اخرى برأيك الدولار هل سينخفض تحت ال 80 ليرة ؟
وما هي المدة القصوى التي ممكن ان يعود البها الدولار لحدود ال 100 او اكثر حسب رأيك ؟

انا آسف على الاطالة وهذا لغياب الناصح الخبير عني ...

هلا عزيزي

اتشرف بالرد على رسالتك ..

عموما اخي بالنسبة للدولار ارتفع 100% خلال عام
ام العقارات ببعض المناطق المتوترة انخفض قريب 30% من سعرة
وفي مناطق زادت الاسعار فية بنسبة تتراوح بين 20و40% عن سعرها للعام الماضي

لاحظ وجهة عام العملة نزلت والدولار ارتفع والعقار بوجة عالم ارتفع ...ولكن ليس بنسب واحدة ؟؟
نسبة ارتفاع الدولار هي ضعفي ارتفاع العقار

انصحك بالصبر بشراء عقار بالوقت الحالي
لا تستعجل على العقار بهذة الظروف ...

اعطيك بعض الامثلة القريبة
مناطق حرستا ودوما وبرزة انخفضت فيها الاسعار
منطقة ضاحية قدسيا ارتفعت فيها الاسعار
مناطق جديدة وعين الفيجة والخضراء وبسيمة التي لاتبعد عن الضاحية
سوى 5 كم انخفضت الاسعار ..

اصبر قليلا ولا تستعجل
او بامكانك الدخول بجمعية سكنية بدفعة اولى واقساط شهرية ...
ان اجد الكاش هو الملك بهذة الايام العصيبة (( لاتفرض بالكاش يلي معك ))

اما موضوع معاودة الارتفاع فهو مرجح بقوة للعودة فوق 100 ليرة ..

السلام عليكم
بحييك أخي الكريم على ردودك المفيدة و المنطقية فيما ما يتعلق بصرف الليرة مقابل الدولار

لكن بدي نصيحتك لو سمحت

انا من زمان مو قادر اشتري بيت ... من زمان قبل هلأزمة كنت مجمع قرشين وحولتهن دولار
حاليا فرقوا معي وقادر اشتري الحمد لله دائما و أبدا ...

لكني متحيّر اصرف و أشتري ليرة لأدفع حق البيت
أو
أني اصبر شوي ممكن الدولار يرتفع اكثر مقابل الليرة

بدي نصيحتك لأنو من خلالها لح اتصرف

وآسف على الازعاج